Doktor Jamoliddin Razzokov Xitoyning Sian shahrida bo‘lib o‘tadigan APCOPTS 2026 konferensiyasida ma’ruza qilish uchun taklif etildi
Konferensiya va seminarlar 08 Sen 2026
Jamoliddin Razzokov 2026-yil 11–13-sentabr kunlari Xitoyning Sian shahrida o‘tkaziladigan Plazma va teragerts fanlari bo‘yicha 5-Osiyo-Tinch okeani konferensiyasida (APCOPTS 2026) taklif etilgan ma’ruzachi sifatida ishtirok etish uchun rasman taklif olmadi.
Konferensiyada doktor Razzokov “Sovuq atmosferik plazma bilan ishlov berilgan paxta urug‘larini dalada baholash: unib chiqishi, o‘sishi, hosildorligi va tola sifati” nomli ma’ruzasini taqdim etadi. Taqdimotda sovuq atmosferik plazmaning qishloq xo‘jaligida qo‘llanilishi, xususan, uning paxta urug‘larining unib chiqishi, o‘simlik o‘sishi, mahsuldorligi va tola sifatiga ta’siriga oid tadqiqotlar yoritiladi.
APCOPTS 2026 Osiyo-Tinch okeani mintaqasidagi plazma fani, teragerts texnologiyalari va turdosh fanlararo sohalarda faoliyat yuritayotgan tadqiqotchilarni bir joyga jamlaydi. Ushbu xalqaro ilmiy forumda ishtirok etish O‘zbekistonda olib borilayotgan tadqiqotlarni taqdim etish, yetakchi mutaxassislar bilan fikr almashish va xalqaro ilmiy hamkorlikni mustahkamlash uchun muhim imkoniyat beradi.
Rasmiy taklifnoma APCOPTS 2026 Tashkiliy qo‘mitasi nomidan konferensiya Bosh raisi, Sian Szyaotun universiteti professori Yongdong Li tomonidan yuborilgan.
O‘zbekistonlik olimlarning bunday xalqaro ilmiy tadbirlardagi ishtiroki milliy tadqiqotlarning nufuzini oshirishga, akademik sheriklikni kengaytirishga hamda barqaror qishloq xo‘jaligi uchun ishlab chiqilgan innovatsion texnologiyalarni ommalashtirishga xizmat qiladi.
Barcha yangiliklarga qaytish